Багыш айыл өкмөтүндө салтка айланган “Энелер күнү” майрамы жыл сайын май айынын үчүнчү жекшембисинде белгиленип келет. Бул жылы аталган майрам 19-май күнү Октябрь айылында чоң салтанат менен өткөрүлдү.

Иш-чаранын алкагында айыл өкмөтүнүн бюджетинен каражат бөлүнүп, энелер үчүн сый тамак уюштурулуп, ардак менен белектер тапшырылды. Майрамдык иш-чарада айыл тургундары, жергиликтүү жетекчилер жана меймандар катышып, энелерге болгон ыраазычылыктарын билдиришти.

Майрам жүрүшүндө маданий концерттик программа тартууланып, ар бир эненин үй-бүлөдө жана коомдо ээлеген орду дагы бир жолу баса белгиленди.

Багыш айыл өкмөтү бардык энелерди майрамы менен куттуктап, бекем ден соолук, узак өмүр жана үй-бүлөлүк бакубатчылык каалайт!